ഫ്രാങ്ക്ഫര്‍ട്ട്: ജര്‍മ്മനിയിലെ ഫ്രാങ്ക്ഫര്‍ട്ട് അന്താരാഷ്ട്ര വിമാനത്താവളത്തില്‍ റണ്‍വേയെ ഭീതിയിലാഴ്ത്തി ലുഫ്താന്‍സ വിമാനത്തിന്റെ മുന്‍ചക്രങ്ങള്‍ തകര്‍ന്നു വീണു. യാത്രക്കാരെ കയറ്റാന്‍ തൊട്ടുമുന്‍പായി ഗേറ്റില്‍ നിര്‍ത്തിയിട്ടിരുന്ന ബോയിംഗ് 787 ഡ്രീംലൈനര്‍ (Boeing 7879) വിമാനത്തിന്റെ മുന്‍വശത്തെ ലാന്‍ഡിംഗ് ഗിയറാണ് (Bugfahrwerk) പെട്ടെന്ന് തകര്‍ന്നത്. ഇതോടെ വിമാനത്തിന്റെ കോക്ക്പിറ്റ് ഉള്‍പ്പെടുന്ന മുന്‍ഭാഗം വലിയ ശബ്ദത്തോടെ റണ്‍വേയിലേക്ക് ഇടിച്ചുവീഴുകയായിരുന്നു.
വ്യാഴാഴ്ച ഉച്ചയ്ക്ക് 12:45 ഓടെയായിരുന്നു ജര്‍മ്മന്‍ വ്യോമയാന മേഖലയെ നടുക്കിയ ഈ സംഭവം.
യാത്രക്കാര്‍ ബോര്‍ഡിംഗിന് തൊട്ടുമുന്‍പ്, വന്‍ ദുരന്തം ഒഴിവായി:
അമേരിക്കയിലെ ലോസ് ആഞ്ചലസിലേക്ക് പറക്കാന്‍ തയ്യാറെടുക്കുകയായിരുന്നു വിമാനം. യാത്രക്കാര്‍ വിമാനത്തിലേക്ക് കയറാനുള്ള ഫ്ലൈറ്റ് ബ്രിഡ്ജ് (Fluggastbreucke) വിമാനവുമായി ഘടിപ്പിച്ചു കഴിഞ്ഞിരുന്നു.
ഭാഗ്യവശാല്‍ ഈ സമയത്ത് യാത്രക്കാരെ വിമാനത്തിനുള്ളിലേക്ക് കയറ്റിത്തുടങ്ങിയിരുന്നില്ല. ബോര്‍ഡിംഗ് ആരംഭിക്കുന്നതിന് തൊട്ടുമുന്‍പ് അപകടം നടന്നതുകൊണ്ട് മാത്രമാണ് നൂറുകണക്കിന് യാത്രക്കാരുടെ ജീവന്‍ വന്‍ ദുരന്തത്തില്‍ നിന്നും രക്ഷപെട്ടത്.
ജീവനക്കാര്‍ക്ക് പരിക്ക്; രക്ഷാപ്രവര്‍ത്തനം ഉടനടി:
അപകടം നടക്കുന്ന സമയത്ത് വിമാനത്തിനുള്ളില്‍ ലുഫ്താന്‍സയിലെ ക്രൂ അംഗങ്ങളും എയര്‍പോര്‍ട്ടിലെ ഗ്രൗണ്ട് ജീവനക്കാരും ഉണ്ടായിരുന്നു. വിമാനം പെട്ടെന്ന് മുന്നോട്ട് ആഞ്ഞു വീണതിനെത്തുടര്‍ന്ന് വിമാനത്തിനുള്ളിലുണ്ടായിരുന്ന 13 ലധികം ജീവനക്കാര്‍ക്ക് പരിക്കേറ്റു. ഇവരെ എയര്‍പോര്‍ട്ട് മെഡിക്കല്‍ സംഘത്തിന്റെ നേതൃത്വത്തില്‍ ഉടനടി ആശുപത്രിയിലേക്ക് മാറ്റി.
'ഹെര്‍നെ' (Herne) എന്ന് പേരിട്ടിരിക്കുന്ന ഈ വിമാനം 2025~ല്‍ നിര്‍മ്മിച്ച്, ഈ വര്‍ഷം ഫെബ്രുവരിയില്‍ മാത്രം ലുഫ്താന്‍സ സര്‍വീസിനായി നിരത്തിലിറക്കിയ തികച്ചും പുത്തന്‍ വിമാനമാണ്. അതുകൊണ്ട് തന്നെ വിമാനത്തിന്റെ സുരക്ഷാ ക്രമീകരണങ്ങളില്‍ ഉണ്ടായ ഈ കടുത്ത വീഴ്ച അതീവ ഗൗരവത്തോടെയാണ് അധികൃതര്‍ കാണുന്നത്.
അന്വേഷണം പ്രഖ്യാപിച്ച് ലുഫ്താന്‍സ:
ഏകദേശം 440 യാത്രക്കാരെ വരെ വഹിക്കാന്‍ ശേഷിയുള്ളതാണ് ഈ ഭീമന്‍ വിമാനം. വിമാനത്തിന്റെ ലാന്‍ഡിംഗ് ഗിയറുകള്‍ നിര്‍മ്മിക്കുന്നത് 'സഫ്രാന്‍ ലാന്‍ഡിംഗ് സിസ്ററംസ്' എന്ന കമ്പനിയാണ്. സാങ്കേതിക തകരാറാണോ അതോ ജീവനക്കാരുടെ ഭാഗത്തുനിന്നുണ്ടായ വീഴ്ചയാണോ അപകടത്തിന് കാരണം എന്ന് വ്യക്തമല്ല. വിമാനത്താവളത്തിലെ ഉന്നത ഉദ്യോഗസ്ഥരും ലുഫ്താന്‍സയുടെ സാങ്കേതിക വിദഗ്ദ്ധരും സംഭവസ്ഥലത്തെത്തി വിശദമായ അന്വേഷണം ആരംഭിച്ചിട്ടുണ്ട്.
- Since 2007
ഫ്രാങ്ക്ഫര്‍ട്ട് എയര്‍പോര്‍ട്ടില്‍ ഞെട്ടിക്കുന്ന അപകടം: ലുഫ്താന്‍സയുടെ പുത്തന്‍ ബോയിംഗ് വിമാനം ഗേറ്റില്‍ വെച്ച് തകര്‍ന്നു വീണു
- dated 06 Jun 2026
Other News Titles:
ജര്‍മ്മനിയിലെ കേരള ലത്തീന്‍ കത്തോലിക്കാ സമൂഹത്തിന്റെ ""ഒപ്പം'' കുടുംബസംഗമം ബിംഗനില്‍ നടത്തി
ജര്‍മനിയിലെ നിലവിലെ സ്ഥിതി അരിയാന്‍ ഈ വീഡിയോ വാര്‍ത്ത കാണുക
ജര്‍മ്മനിയില്‍ മുങ്ങിമരണം ; ഹൈഡല്‍ബര്‍ഗില്‍ നെക്കാര്‍ നദിയില്‍ മലയാളി മാസ്ററര്‍ ബിരുദ വിദ്യാര്‍ത്ഥി മുങ്ങിമരിച്ചു
ജര്‍മനിയുടെ "ലോകകപ്പ് ദുരന്തം"ത്തില്‍ ഞെട്ടി ആരാധകര്‍
ഒരു വിട്ടുവീഴ്ചയുമില്ല 33 ശുപാര്‍ശകളും അതേപടി നടപ്പിലാക്കും ജര്‍മ്മനിയില്‍ വിപ്ളവകരമായ പെന്‍ഷന്‍ പ്രഖ്യാപനവുമായി ചാന്‍സലര്‍
ജര്‍മ്മനിയില്‍ 'മിനി ജോബ്' സംവിധാനം നിര്‍ത്തലാക്കുന്നു ആരെയൊക്കെ ബാധിയ്ക്കും രക്ഷപെടാന്‍ മറ്റുവഴിയുണ്ടോ
ജര്‍മ്മനിയില്‍ ചരിത്രപരമായ ആരോഗ്യ പരിഷ്കരണം ഇന്‍ഷുറന്‍സ് തുകയില്‍ വന്‍ മാറ്റങ്ങള്‍ മരുന്നുകള്‍ക്ക് വില കൂടും
Comments: